Un complemento para todo o mundo
Firefox dispón de máis opcións que calquera outra aplicación para personalizar a navegación de forma que se adapte da mellor maneira a como o usuario utiliza a web. Dispón de máis de 5.000 complementos con que poderá mellorar Firefox en función das súas necesidades. Obterá así máis funcionalidades, máis diversión e a posibilidade de desenvolver a súa creatividade.
Procura algo en particular? Vexa os seguintes exemplos ou visite o noso sitio de complementos, onde encontrará a gama completa de posibilidades.
Alertas e actualizacións
Con este tipo de complementos, poderá estar a par da información máis recente sobre o tempo, os deportes ou as poxas de eBay. Independentemente do sitio en que se encontre, a información mostrada no seu navegador é en tempo real.
Por exemplo: 
Non perda de vista as súas operacións de eBay cando estea na Internet.
Probe Firefox eBay Edition de eBay Corporation
Fotos, música e vídeo
Converta o seu Firefox nun álbum de fotos, un reprodutor de música e unha central completa de elementos multimedia. É como ter un panel de control multimedia ao alcance da súa man para cando navega, traballa, envia correos electrónicos ou fai buscas na rede.
Por exemplo: 
Controle case calquera reprodutor multimedia desde o seu navegador.
Probe FoxyTunes de Alex Sirota
Por exemplo: 
Descubra novos sitios, conéctese cos seus amigos e comparta as súas descubertas.
Probe StumbleUpon de StumbleUpon
Temas
Non reduza a súa experiencia de navegación a un deseño estándar. Escolla novas cores, facilite o uso do navegador (con botóns maiores para quen se inicia) ou simplemente seleccione a aparencia que mellor lle pareza.
Por exemplo: 
O tema para a xente a que lle gusta en negro.
Probe NASA Night Launch de mcdavis941